" ဥသြ ဥသြ " ဟု
ဥသြ ငှက်ကလေးများသည်
နွေဦးကို ကြိုဆိုကြလေသည်
နွေရာသီရဲ့ လုံမငယ် ဟုတင်စားခေါ်ဆိုကြသော
" ကံ့ကော် နှင့် ပိတောက် " ပန်းများလဲ
ဖူးပွင့်ရန် အစွမ်းကုန် ပြင်ဆင်နေကြပြီ
မြန်မာလူမျိုးတိုင်းရဲ့ ရင်ခုန်သံကို
မြန်စေသော " တူးပို့ တူးပို့ , နွေမ"
သီးချင်းများသံများလဲ နွေ ရောက်ကတည်းက
ရပ်ကွက်တိုင်းတွင် ပျံလွင့်နေသည်မှာ
သင်္ကြန်ကျသည့် အလားပင်
ရေခြား မြေခြား ရောက်နေသည့်
ရွှေမြန်မာများကလဲ
နှစ်သစ်ကူး အမှီပြန်ဖို့
ထုပ်သူက ထုပ် ပိုးသူက ပိုး
တကြွကြွ နဲ့ မြူးနေကြတာကိုက
ဘေးကမြင်ရသူအပေါင်းအား စိတ်ချမ်းမြေ့စေသည်
နွေရာသီကြောင့် ပူပြင်းခြောက်သွေ့နေသော
မြေကြီးလဲ သင်္ကြန်မိုးရွာသွန်းတော့မည့်အတိုင်း
ပျော်ရွင်နေရှာ၏
ဒီနွေကား ဗုဒ္ဓဘာသာ မြန်မာလူမျိုးတိုင်း
တန်ဖိုးထားရသော ရာသီဖြစ်လေသည်
နှစ်သစ်ကူးတွင် လူတိုင်း အလှူအတန်းလုပ်ပြီး
ရပ်ဝေးက မိသားစုများ အိမ်ပြန်လာသော ရာသီချိန်လဲ ဖြစ်သည်
နှစ်ကူးတွင် အညစ်အကြေးများ သယ်ယူမသွားရအောင်
သင်္ကြန်ရေဖြင့် ပက်ကြခြင်းမှာလဲ ချစ်စဖွယ် ရိုးရာ ဓလေ့တစ်ခုပင်ဖြစ်လေသည်.....
No comments:
Post a Comment