အောင်မြင်ရေလူက အောင်မြင်ပြီးကေ မအောင်မြင်ရေလူတိက ဇာကြောင်.မအောင်မြင်ရစွာလေ။ နန်းစံအမြင်ကတော. ကိုယ်.စိတ်ဓါတ်ကို ကိုယ်မနိုင်သိလို. မအောင်မြင်စွာလို.ပြောချင်ပါရေ။ အောင်မြင်မှုတကာ အောင်မြင်မှုထဲမှာလဲ မိမိကိုယ်ကိုအောင်မြင်မှုက အကောင်းဆုံးအောင်မြင်မှုပါဗျာလ်။
ဒေရှုံးနိမ်.ခြင်းတရားဆယ်ပါးကိုရာ လူတိစွန်.နိုင်ကေ မုချအောင်မြင်ပါဗျာလ်-
- တိကျပြတ်သားရေ ရည်မှန်းချက်မရှိခြင်း။
- အဆိုးမြင်ခြင်း အပြုသဘော မဆောင်ခြင်း။
- အတတ်ပညာမဲ.ခြင်း အတတ်ပည်မဆည်းပူးခြင်း။
- ဆုံးဖြတ်ချက် မချတတ်ခြင်း မချနိုင်ခြင်း။
- လူမှုဆက်ဆံရေး ညံဖျင်းခြင်း။
- ပြင်းပြထက်သန်ရေ စိတ်ဓါတ်မရှိခြင်း။
- အယုံလွန်ခြင်း အားနာခြင်း။
- ကြောက်ရွံခြင်း ရိုးရာအစွဲအလမ်းရှိခြင်း။
- ရစွာတက် ပိုသုံးစွဲခြင်း။
- အမြန်သူဌေး ဖြစ်ချင်ခြင်း။
ဒေဆောင်ပုဒ်ချေကို ရန်ကုန်မှာကျောင်းတတ်တေခါ အဘိုးအိမ်က ထမင်းစားရေနေရာနဲ.မျက်နှာချင်းဆိုင်မှာကပ်ထားရေ။
အဘိုးကလဲ အိမ်ကလူတိဆိုစွာ ထမင်းစားဖို.တစ်ရက်မှာနှစ်ခေါက်ဖြစ်ဖြစ်ရောက်တေ ဖတ်ကတ်ပါစီဆိုပြီးကေ ကပ်ပီးထားရေ။ ထမင်းစားဖို.လာကေ တစ်ခေါက်ဖြစ်ဖြစ်ဖတ်မိရေ။ သတိပီးနိန်စွာနဲ.တူတူဗျာလ်။
" တိကျပြတ်သားရေ ရည်မှန်းချက်မရှိခြင်း "
ဒေစာသားချေဆိုစွာ အရေးကြီးဆုံးလို.ထင်ရေ နန်းစံအမြင်ကတော.။
လူတစ်ယောက်ဆိုစွာ ရည်မှန်းချက်ရှိလို.ရာ အသက်ရှင်နိန်စွာ မဟုတ်ကေ အသက်မရှင်နိုင်ပါ။ ယင်းနဲ.လို. ရည်မှန်းချက် ရှိရှိနဲ. ဘ၀ကိုဖြတ်သန်းကတ်မေ။ ကိုယ်.ရည်မှန်းချက်ကလဲ ဖြစ်နိုင်ဖို.လိုသိမ်.ရေ။ မတိကျ မရေရာ ၀ိုးတ၀ါးဖြစ်နိန်ကေ လားဗျာလ်။ ကိုယ်ကလဲ ဒေလမ်းကိုလုံးဝ လျှောက်ဖို.လို.ဆုံးဖြတ်လိုက်ကေ ရောက်အောင်လျှောက်ရဖို.။
လမ်းမှာ ဆူးငြောင်.ခလုပ် တိတွီ.နိုင်ရေ။
လမ်းကောင်းကိုရောက်ဖို.တွက် ဆူးတိရှိရေ လမ်းကို လျှောက်ရစွာက ဖြစ်နိန်ကျရာမလား။ ဇာသူတစ်ယောက်က မွီးလာရေကပင် လမ်းကောင်းကိုလျှောက်ရလေ။ ခလုပ်ကန်းသင်းကတော. တနိန်မဟုတ် တနိန်တော.ကြုံကတ်ရဖို.စွာဗျာလ်။ ယင်းဟင်.ကိုရာ စိတ်ဓါတ်ကျနိန်ကေ.တော. သီအောင်ထိ ဆူးတော.လမ်းမှာ ထိုင်နိန်လီဖိ။
" အဆိုးမြင်ခြင်း အပြုသဘော မဆောင်ခြင်း "
လောကကြီးက အကောင်းဘက်ကကြည်.ကေ နိန်လို.ကောင်းပါရေ။ ဟုတ်တေ နေရာတကာ အဆိုးဘက်ကဂျေယာ ကြည်.နိန်ကေ. နိန်ပျော်ဖို.သိမ်.လားယေ။ နန်းစံ ပထမဆုံး အင်တာဗျုးရရေခါ ပျော်လိုက်တေဆိုစွာမပြောကေ။ ယကေ.လေ ယင်းအင်တာဗျုးဆိုစွာ မအောင်။ အင်တာဗျုးကပြန်လာရေခါ စိတ်ဓါတ်တိဆိုစွာ ရစရာမရှိအောင်ကျလားယေ။
ကိုယ်.စွာကို မနည်းပြန်အားတင်းပနာ အော်ငါဒေထက်ကောင်းရေ အလုပ်ရဖို.ဖြစ်လို. ဒေအလုပ်ကိုမရစွာလို. အကောင်းဘက်ကို စိတ်ကိုပြောင်းပလိုက်ရရေ။ ဒေကုလဲ အလုပ်ကောင်းကောင်းရနိန်ရေ။ ကိုယ်.ကိုနွီးထွီမှုပီးရေ လူတိနဲ.တွီ.ရရေ။ ယင်းအလုပ်ကိုရာ ရခကေ. ဒေပိုင်လူကောင်းတိနဲ.တွီ.ချင်မှတွီ.ရဖို.။
" အတတ်ပညာမဲ.ခြင်း အတတ်ပညာမဆည်းပူးခြင်း "
အတတ်ပညာ တစ်ခုလဲမတတ်ကေ. ဒေလူ.လောကထဲကို လုံး၀၀င်လို.မရပါ။ ဆယ်တန်းအောင်ဘွဲ.ရမှ လူတောတိုးဖို.လို.ပြောစွာမဟုတ်ပါ။ နန်းစံလုပ်ခရေ ပထမအလုပ်က သူဌေး စာတတ်တေလို.ပြောလို.မရ။ ယကေ.လေ. အတတ်ပညာတတ်လို. နိုင်ငံခြားက ဘွဲ.ယူထားရေလူတိကို လက်ညိုးထိုးပြီး ခိုင်းနိုင်ရေ။ အတတ်ပညာတစ်ခုခုတော. တတ်ထားသင်.ပါရေ။ ယင်းခါမှ ကိုယ်.ဘ၀ကိုယ်ရပ်တည်နိုင်ရေပိုင် ကိုယ်.အသိုင်းအ၀ိုင်းကို ကိုယ်ထောက်ပံနိုင်ရေ လူတစ်ယောက်ဖြစ်လာပါဖို.။
" ဆုံးဖြတ်ချက် မချတတ်ခြင်း မချနိုင်ခြင်း "
ဆုံးဖြတ်ချက် ချတတ်ဖို.လဲလိုသိမ်.ရေ။ မဟုတ်ကေ တနားချေမှာ ဘ၀ဆိုစွာချောက်ကမ်းပါးကို ကျလားနိုင်ရေပိုင် မိုးထိအောင် ထောင်တတ်လားနိုင်ရေ။ ဆုံးဖြတ်ချက်ကောင်းကောင်း ချနိုင်ဖို.တွက် အတွေ.ကြုံကောင်းကောင်းရှိဖို.လိုသိမ်.ရေ။ ရင်.ကျက်ဖို.လဲလိုသိမ်.ရေ။ နန်းစံအချေခါတော. (မဆုံးဖြတ်တတ်တေအချိန်)လူကြီးတိ ဆုံးဖြတ်ချက်အောက်မှာနိန်ခရေ။ အရွယ်ရောက်လာရေခါတေ ကိုယ်.စွာကို အတတ်နိုင်ဆုံး ဆုံးဖြတ်လာရေ။ လူကြီးတိကိုဂျေယာ မိန်းနိန်ကေ သူရို.မရှိရေ အချိန်အတွင်းမှာ ဇာသူလာဆုံးဖြတ်ပီးဖို.လဲ။ ကိုယ်.အားကို ကိုယ်ကိုးစွာ အကောင်းဆုံးရာ ဇာပင်ဖြစ်ဖြစ်။
" လူမှုဆက်ဆံရေး ညံဖျင်းခြင်း "
နန်းစံရို.ဆိုစွာ အသိုင်းအ၀ိုင်းနဲ. နိန်ရေတွက်နဲ. လှုမှုဆက်ဆံရေးကလဲ ကောင်းဖို.လိုပါရေ။
လူတိထုံးစံကတော. ကိုယ်ပြောဖို.စွာကိုရာသိရေ နောက်တစ်ယောက်ပြောဖို.စွာကိုမသိ နားမထောင်။
ယင်းနဲ.လို. ကိုယ်နိန်ရေ ပတ်ဝန်းကျင်မှာ စကားပြောကောင်းရေ လူတိကို တစ်ခေါက်ချေ ကြည်.လိုက်ပါ။
ယင်းသူရို.ဇာလို. စကားပြောကောင်းနိန်ရလေ။ အဓိက အချက်ကတော. နားထောင်မှုစွမ်းရည်ကောင်းလို. စကားပြောကောင်းနိန်ကတ်စွာ။ ယင်းနဲ.လို. တစ်ဖတ်သားက ဇာပြောချင်လေ ဇာလုပ်စီချင်လေ ငါ.ကိုဆိုစွာကို နားထောင်ပီးရဖို.။ ကိုယ်လိုချင်စွာကိုရာ သိလို.မရပါ။ အပီးအယူ ဆိုရေစကားအတိုင်း အယူရာများနိန်ကေ ဘဇောင်ပိုင် ဆက်ဆံရေး ရေရှည်မြဲဖို.သိမ်.လဲ။
" ပြင်းပြထက်သန်ရေ စိတ်မရှိခြင်း "
လူတစ်ယောက်ဆိုစွာ ကံညဏ်မရှိခကေတောင် ၀ီရိယရာ ရှိခကေ အရာအားလုံးဖြစ်ပါရေ။ ကံညဏ်ရှိပြီးကေ ၀ီရိယမရှိကေ တစ်သက်လုံးမအောင်မြင်ပါ။ နန်းစံရို.က ကံညဏ်မရှိရေပိုင် ၀ီရိယကလဲ နည်းလို. ဒေပိုင်အခြေအနေက မတိုးတတ်နိုင်သိစွာ။
ကိုယ်ကလုံးဝလုပ်ဖို.လို. ဆုံးဖြတ်ထားပြီးရေ ကိစ္စတစ်ခုကို တစ်ရက် နှစ်ရက် လုပ်တေ လုံးဝအသည်းအသန်။ နည်းနည်းချေကြာလာစွာနဲ. ၀ီ၇ိယအားနည်းပါလတ်ဗျာလ်။ ပျင်းလာစွာပါမလားယေ။ ယင်းနဲ.လို.ဒေပြင်းပြရေစိတ်ကို မွီးမြုရပါဖို.။ ကိုယ်နဲ.စိတ် ဆိုရေ စကားနှစ်လုံး အတူဒွန်တွဲနိန်ရေပိုင် အောင်မြင်မှုနဲ.ပြင်းပြရေစိတ်ကလဲဒွန်တွဲနိန်ရေလို. နန်းစံထင်ပါရေ။
" အယုံလွန်ခြင်း အားနာခြင်း "
" မေးခွန်းမထုတ်ဘဲ လက်ခံယုံကြည်တတ်ခြင်း "
လို.နန်းစံနောက်တစ်ခု ထပ်ဖြည်.ချင်ပါသိမ်.ရေ။ မာယာများရေ သံသရာမှာ အရာရာကို မျက်လုံးမှိတ်ယုံကြည်နိန်လို.မရပါ။ ကိုယ်ခံလားရဖို.။ နန်းစံတစ်ခါခံဖူးရေ တန်းဖိုးမကြီးကေ.လေ စိတ်မကောင်းဖြစ်ဖူးရေ။ မယ်မယ်ပါးက မုန်.ဖို.ပို.ပီးရေ ဖေ.ချာနဲ. MP4 တစ်ခုဝယ်ထားရေ တေးခြင်းနားထောင်စွာကို လုံးဝ အသည်းအသန်ကြိုက်လို.။ ကျောင်းတတ်တေခါ ရန်ကုန်က သူငယ်ချင်းမမတစ်ယောက် (ကိုယ်.ထက်ကြီးလို.)စာမလိုက်နိုင်လို. ဆရာမက နန်းစံကို အကူအညီတောင်းရေ။ သူမအားလို. နန်းစံကို သင်ပီးလိုက်ဆိုလို.။ နန်းစံသင်ပီးရေ သူ.ကိုလဲအားနာရေ ဇာလို.ဆိုကေ သူနိန်ရေအိမ်နဲ. နန်းစံနိန်ရေ အိမ်နဲ. ၁နာရီခွဲ လောက်ကားနဲ.လားမှရောက်တေ။ သူကလဲ နန်းစံအားရေ အချိန်တိုင်းလာလို. စာမိန်းရေ။
နန်းစံ ကောင်းကောင်းပင်ပန်းနိန်ကေတောင် သူ.ကိုငှဲ.ပြီးကေ အော်သူတောင် လာနိုင်သိရေ ငါက ဇာလို. အကူအညီမပီးနိုင်ရဖို.လဲ ဆိုပြီးကေ သင်ပီးရေ။ နောက်ဆုံးတစ်ရက် ယင်းနိန်ခါမှ ယင်းမမကို စာတွက်ခိုင်းပြီးကေ ကိုယ်ကတေးခြင်းနားထောင်နိန်ရေ ယင်းမမဆိုစွာ မျက်လုံးတိကတစ်မျိး အရင်ပိုင်မဟုတ်။ သိကတ်ဖို.စွာပါရာ လူတစ်ယောက်ဆိုစွာ မကောင်းစွာလုပ်ထားကေ ဇာလောက်ပင် မလုပ်လို.လိမ်ပြောပြော သူ.မျက်လုံးက မလိမ်နိုင်ပါ။
နန်းစံအချေကပင် တစ်ခုရှိရေ မကောင်းစွာတိဆိုကေ ကြိုမြင်တတ်စွာ။ ယင်းနဲ.လို.မယ်မယ်က အမြဲသတိပီးရေ ဇာပင်ထင်ထင် မပြောကေ.လို.။
ယင်းမမ အိမ်က ထွက်လားရေခါ သိရေ နန်းစံ MP4 ကိုယူလားစွာကို။ ယင်းမမကို မိန်းဖို.စွာကိုလဲ အားနာရေပိုင် လူတစ်ယောက်ကို ရက်ရက်စက်စက် ယင်းလောက်ထိ မပြောဝံ ဇာလောက်ပင်မှန်မှန်။ အိမ်ပြန်ရောက်လို. စာသင်ရေခုံကို လုံးဝလားမကြည်.။ အရီးမက နန်းစံ နင်.ခုံမှာ စာအုပ်တိ ဗရမ်းဗရာဖြစ်နိန်ရေ။ သန်.ရှင်းရေးလုပ်လတ်။ နန်းစံးလုံးဝမလုပ် တစ်ပတ်တိမှာ လားလုပ်ခီရေ။ ဇာလို.ဆိုကေ နန်းစံထင်ရေ အတိုင်း သူရာ ယူလားကေ စိတ်မကောင်းဖြစ်ပြီးကေ ယင်းမမကို ကောင်းကောင်း အထင်သေးလီဖို.စွာကို။ ယင်းမမဆိုစွာ ယင်း MP4 လောက်ကိုဝယ်နိုင်ရေ။ သူ.ယောက်ကျားက အရာရှိ။ ဖေချာ.သုံးနိုင်ရေ ဇာလို.ယူလားရေဆိုစွာကို လုံးဝမယုံနိုင်။ ယင်းမမစိတ်မှာ MP4 ကြောင်.တစ်.သက်လုံး စိတ်က သန်.ရှင်းနိုင်ဖို.သိလား။ အရိပ်မည်းပိုင် မလိုက်နိုင်ယာလား။ ယင်းဇာမဟုတ်တေ ပစ္စည်းချေ တစ်ခုကြောင်.။ သူပီးထားရေ ဖုန်းနံပါတ်ကိုတောင်မှ အသစ်ပြောင်းလားယာ ဆိုပြီးကေ ဖုန်းစာအုပ်က သူ.အရင်ရွီးထားနံပါတ်ကို ဖျက်ပြီးကေ အသစ်ရွီးပီးခရေ။ ယင်းနံပါတ်ဆိုစွာ အမှား။
ယင်းနဲ.လို. တစ်ခါတစ်ခါဆိုကေ ကိုယ်.စိတ်နဲ.တန်းတူးဆက်ဆံလို.မရရေ ဒေမမရို.ပိုင်လူမျိုးတိရှိရေ။
" ကြောက်ရွံခြင်း ရိုးရာအစွဲအလမ်းရှိခြင်း "
မမြင်ရသိရေ အနာဂါတ်ကို ကြိုပြီးကြောက်ရွံနိန်ကေ ဇာပိုင်ရှေ.ကိုခြေလှမ်း လှမ်းနိုင်ဖို.သိလဲ။ ကြောက်ဖို.မလို. ဇာပြသာနာပင်လာလာ အချိန်တန်ကေ ပြီးလားဖို.စွာရာ။ ယင်းတစ်ချက်ချေကို တောင်.ခံနိုင်မှ လူဆိုစွာ ရင်.ကျက်လာရေပိုင် အတွီ.အကြုံကောင်းကောင်းရလာစွာမလား။ ရိုးရာဆိုစွာ လူမျိုးတိုင်းမှာရှိကေ.လေ တန်ဆေးလွန်ဘေးဆိုရေပိုင် အတော်သင်.ဆိုကေ အကောင်းဆုံးယာ။ အလွန်တရာ ကြီးဆိုကေလဲ ဘေးဥဘဒ်ဖြစ်လားနိုင်ရေ။
" ရစွာထက် ပိုသုံးစွဲခြင်း "
ကိုယ်ရစွာထက် ပိုသုံးမိကေ အကြွီသံသရာလည်လားနိုင်ရေ။ အကြွီတကာ အကြွီထဲမှာ ဒေအကြွီလဲကြောက်ဖို.ကောင်းပါရေ။ ယင်းနဲ.လို. ကိုယ်ဇာလောက်ရလေ ဖေချာ. ။ အ၀င်နဲ. အထွက်က မကိုက်ကေ ဇာဖေချာနဲ.ရပ်တည်နိုင်ဖို.သိလဲ။ တန်ဖိုးနည်းကေလေ. ကိုယ်.အတွက်အသုံးမလိုကေ မ၀ယ်စွာ အကောင်းဆုံးပါ။ အပ်ပေါက်ရာချေ တစ်ခုကြောင်. သဘောင်္တစ်စီးလုံးမြုပ်လားရေပိုင် တဖေချေ . တဖေချေ.နဲ. အိမ်ထောင်တစ်ခုလုံး ပျက်စီးလားနိုင်ပါရေ။ ဇာပင်သုံးသုံး စာရင်းနဲ.လုပ်ထားစွာအကောင်းဆုံးပါဗျာလ်။
" အမြန်သူဌေး ဖြစ်ချင်ခြင်း "
ဒေကုရေတွင်းတူး ဒေကုရီသောက်ဆိုလို.မရပါ။ သူ.အချိန်တန်ကေ သူဖြစ်လာဖို.စွာရာ။ အပင်စိုက်ကေတောင် အနည်းဆုံးတစ်နှစ်စောင်.မှ အသီးစားရစွာမနား။ ကိုယ်က ပုံမှန်လုပ်လားဖို.လိုရေ လုပ်စရာရှိစွာတိကို မလျှော.ရေ ဇွဲလုံလနဲ.
ပန်းတိုင်ကို ရောက်အောင်လျှောက်ရဖို.။ ဆိုင်ကလုံးပင်လာလာ ဂီရိပင်လာလာ ကိုယ်.ရည်မှန်းထားရေပန်းတိုင်ကို အရောက်လှမ်းကတ်ပါမေ။
ဒေဆယ်ချက်ကိုရာ လိုက်နာနိုင်ကေ နပိုလီယံထက်တောင် အောင်မြင်ကျော်ကြားနိုင်ပါသိရေ။ နပိုလီယံဆိုစွာလဲ နန်းစံရို.ပိုင်လူပါဗျာလ်။
