သူငယ်ချင်း မိတ်ဆွေ

သူငယ်ချင်း အပေါင်းအသင်းမရှိဘဲ လောကမှာ တစ်ယောက်တည်းရပ်တည်လို.ရဖို.မထင်။ အပေါင်းအသင်းကြောင်.လဲ ဂုဏ်တတ်တေပိုင် အပေါင်းအသင်းကြောင်.လဲ ဂုဏ်ပျက်တတ်ပါရေ။

နန်းစံ အမြင်ကတော. သူငယ်ချင်းမိတ်ဆွေဆိုစွာ-

အခက်ခဲတွီေ၇ အချိန်မှာ ခေါင်းမရှောင်ဘဲ အကူအညီပီးရေလူ။

ဇာပြသနာပင်ဖြစ်ဖြစ် ရင်ဖွင်.ပြောပြနိုင်ပြီးကေ အပြန်အလှန်နားထောင်ပီးရေလူ။

ပျော်စရာတိကို တူတူခံစားနိုင်ရေလူ။

တစ်ယောက်အပေါ် တစ်ယောက်သစ္စာ၇ှိရေလူ။

နောက်ကုန်းကို ဓါးနဲ.မထိုးရေလူ လို.ထင်ပါရေ။

ငါးခုံးမတစ်ကောင်ကြောင်. တစ်လှေလုံးပုပ်တေဆိုရေပိုင် ကိုယ်ကဇာလောက်ပင် အကောင်းလုပ်လုပ် ကိုယ်ကရာ မကောင်းစွာလုပ်တေ သူငယ်ချင်းကို လားပေါင်းမိကေ ကိုယ်ပါဘ၀တူဖြစ်လားနိုင်ပါရေ။

ဒေါင်းယောင်ဆောင်ရေ ကျီးပိုင် သူငယ်ချင်းယောင်ဆောင်ပြီးကေ လာပေါင်းရေ မြေခွေးပိုင်လူတိ အများကြီးရှိပါရေ။ ဖေ.ချာ တစ်ခုတည်းကို ကြည်.ပြီးကေ သာပေါင်းညာစားတိ သူငယ်ချင်းအတုတိ ဒေလောကမှာ အများကြီးရှိရေ။ ကောင်းရေသူငယ်ချင်းမှေ၇ွးပေါင်းရဖို.လို.ပြောစွာမဟုတ်ပါ။

ကိုယ်ပေါင်းရေ သူငယ်ချင်းဆိုစွာ လမ်းမှားနိန်ကေ ကိုယ်က လမ်းပြန်တည်.ပီးဖို. ကြီုးစားရဖို.။

လမ်းတည်.ပီးလို.ရာလုံးဝမရဆိုကေ ကိုယ်က အသာတကြည်နဲ.ရှောင်နိုင်ဖို.အရေးကြီးပါရေ။

မဟုတ်ကေ ကျုပ်(ရွံ) ကိုလားပုတ်ကေ ကိုယ်.ကိုကျုပ်ရာ လာမှန်ရေပိုင် ဖြူစင်နိန်ရေ ကိုယ်.စာ၇ိတ္တကို ထိခိုက်နိုင်ပါရေ။

ယပိုင်ကျကေ ရှောင်တတ်ဖို.လိုပါရေ။ ကိုယ်က ဇာလောက်ပင် မလုပ် မလားလို.မှတ်ထား မှတ်ထား။

သူငယ်ချင်းကို တစ်ခါ နှစ်ခါ ငြင်းလို.၇ကေ.လေ. သုံးခါမြောက်ကျကေ အားနာပြီးကေ တစ်ခါချေ ဖြစ်ဖြစ်လိုက်မိ လုပ်မိရေ။ လူတစ်ယောက်၏ အလေ.အကျင်.ဆိုစွာ ယင်းတစ်ခါချေကြောင်.စလာစွာ။ မကောင်းရေ တစ်ခါချေဆိုကေ ယင်းတစ်ခါချေကလဲ ကြောက်ဖို.ကောင်းရေ။ တစ်ခါချေ တစ်ခါချေ နဲ.ဘ၀ပျက်လားရေ လူတိအများကြီးပါ။

ကောင်းစွာလုပ်ကေ ကောင်းေ၇ပိုင် မကောင်းစွာလုပ်မိကေ. ယင်းအရိပ်မည်းဆိုစွာ တစ်ဘ၀လုံး ကိုယ်.နောက်ကိုလိုက်လို.နိန်ရေ။ ရွက်ဟောင်းကြွီကေ ရွက်သစ်ဝေ ကေလေ. ကိုယ်လုပ်ခရေ အမှားတစ်ခုကို ကြွီလားအောင်လုပ်လို.မရပါ။ ခဲမှန်ဖူးရေ စာကောင်ချေပိုင် အမြဲတမ်းလှန်.နိန်ရေ။ အပေါင်းအသင်.ကြောင်.တော.ဒေပိုင်အ၇ိပ်မည်းကြီး မဖြစ်စီချင်။ ယင်းနဲ.လို. သတိနဲ.ပေါင်းနိုင်ကတ်ပါစီ ကိုယ်.လိပ်ပြာကိုယ်လုံဖို.အတွက် အမှားမလုပ်မိအောင်။

အပေါင်းသင်းကြောင်. ဘ၀ပျက်လားေ၇ပိုင် အပေါင်းအသင်းကြောင်. တိုးတတ်လားနိုင်ရေ အတွက် သူငယ်ချင်းကောင်း မိတ်ဆွေစစ်ရနိုင်ကတ်ပါစီ။