အလုပ်မှန်လို့ရှိခကေ ဒေသုံးချက်နန့် ပြည့်စုံရပါဖို့ -
၁။ လစာ ကောင်းလား။၂။ အတွိအကြုံ ကောင်းကောင်း ရလား။
၃။ ပျော်ရွင်မှု ပီးလား။
ဒေသုံးချက်လုံး မပီးနိုင်ကေ ယင်းအလုပ်ထဲက ဝဝီးကရာ ပြီးကတ်ပါဖိလို့ ဆရာပြောဖူးပါရေ။
မှန်ပါရေလေ။ ယင်းသုံးချက်ထဲက အားလုံးမဟုတ်ကေတောင် တစ်ချက်လောက်တော့ ပီးကေ ရသိမ့်ပါရေ။ မပီးနိုင်ကေတော့ခါ ယင်းအလုပ်ထဲက ထွက်သင့်ပါရေ။
တစ်ခုကိုလဲ သံယောဇဉ် မတွယ်နိန်ကတ်ပါကေ့။ တစ်ချို့ ရှိပါရေ "ငါရို့က ဒေအလုပ်မှာ လုပ်နိန်စွာကြာယာ။ နိန်သားကျနိန်ယာ။ တခြားအလုပ် ပြောင်းကေ အစကနိန် ပြန်သင်ခီရဖို့သိမ့်။ ဒေအလုပ်မှာရာ လုပ်နိန်စွာကောင်းရေ" ဆိုပြီးကေ ကိုယ့်အတွက် တက်လမ်းပိတ်နိန်စွာကိုတောင်မှ နိန်နိုင်ကတ်တေ ။ ယင်းဟင့်ကိုတော့ လုံးဝ အားမပီးပါ။ ထွက်သင့်ကေထွက်ရပါဖို့။ အလုပ်အသစ်တစ်ခု ပြောင်းတိုင်း အစကနိန် ကိုယ်မသိရေ အပိုင်းကနိန် လုပ်ကတ်ရစွာပါရာ။ယင်းခါမှ အတွိအကြုံ အသစ်ကို ရစွာပါမလား။
ပြီးကေ တစ်ချို့က ရှိသိမ့်ရေ "အသက်ကြီးလားယာ။ ငါရို့အတွက်ကား မထူးယာ။ ဒေမှာပဲ ကောင်းရေ။" ဆိုပြီးကေ လက်ရှိအလုပ်ကိုရာ အသီအလဲ ဆုပ်ကိုင်ထားကတ်တေ။ ကိုယ့်အတွက် အမှန်တကယ် ကောင်းနိန်ကေတော့ခါ ကောင်းပါရေ။ မကောင်းဘဲနန့်တော့ခါ မဆုပ်ကိုင်စီချင်ပါ။ အသက်ကြီးစွာနန့် တစ်ခုလဲမဆိုင်။ အတွိအကြုံ ကောင်းကောင်းရှိရေ လူတိကို ဆိုကေ အားလုံးအလုပ်က ကြိုဆိုပြီးသားပါရာ။ ကိုယ်ရာ မကြောက်မဝံ့ ရဲစွမ်းသတ္တိ အပြည့်နန့် လျှောက်လှမ်းကတ်ရပါဖို့။
ပြီးကေ အလုပ်လုပ်စွာမှာရှိသိမ့်ရေ။ "ငါက ဒေအလုပ်နန့်မတန်။ မဆိုင်စွာတိကို ခိုင်းနိန်ရေ။" ဆိုပြီး မလုပ်ဘဲနန့် မနိန်ကတ်ပါကေ့။ လူဆိုစွာက အားလုံးကို သိထားကေ ကောင်းပါရေမလား။ နောက်တစ်ချိန်ချိန်ကျကေ ယင်းဟင့်တိစွာ ကောင်းအသုံးဝင်လာပါရေ။ ဥပမာ အိမ်ထောင်ရှင်မ တစ်ယောက်စွာ ဇာလောက်ပင်ဖေချာရှိလို့ အိမ်ဖော်ငှားငှား၊ အိမ်မှုကိစ္စကိုတော့ တတ်ထားရပါဖို့။ ဇာလို့ဆိုကေ ကိုယ်က သိနိန်မှ တခြားလူကို ဆရာခံလို့ရပါဖို့လေ။ ကိုယ်မသိဘဲနန့် လားခိုင်းနိန်ကေ အလကားပါဗျာလ် ကိုယ့်ကိုတောင် အထင်သေးနိုင်ပါရေ။
နန်းစံ ပထမ လုပ်ခရေ အလုပ်မှာလဲ ကိုယ်ရထားရေ ပညာနန့် တစ်ခုလဲမဆိုင်စွာတိကို ခိုင်းရေ။ နန်းစံကတော့ လုပ်ခရေ။ ဇာလို့ဆိုကေ ကိုယ်ကမသိရေအတွက်နန့် သူရို့ ခိုင်းစွာတိကို လုပ်ပီးကေ ကိုယ်က ပညာရပါရေ မလားယေ။ ဒေကုဆိုကေ ကောင်းအသုံးဝင်ပါရေ။ အလုပ်မှာ တစ်ခုခုဆိုကေ ကိုယ့် အယင် လုပ်ခရေ အတွိအကြုံနန့် တစ်ယောက်ကိုလဲ အောက်ကျနောက်ကျ ခံပြီးကေ တောင်ပန်းနိန်စရာ မလို။ ကိုယ်စွာနန့် ကိုယ်လုပ်နိုင်ရေ။ ယင်းနန့်လို့ အလုပ်ဟူသမျှ ဂုဏ်ရှိစွပါ။
"ဒေအလုပ် ကကောင်း အောက်ကျရေ။" ဆိုပြီးကေ မလုပ်ဘဲနန့် မနိန်ကတ်ပါကေ့။ အလုပ်တိုင်းမှာ သူ့တန်းဖိုးနန့် သူ ရှိပါရေ။
သန့်ရှင်းရေး လုပ်တေ လူကိုလဲ "ဒေလူက ပညာမတတ်။" လို့ဆိုပြီးကေ လားလို့ အထင်မသေးနိုင်ပါ။ သူကလဲ သန့်ရှင်းရေး လုပ်စွာမှာ နန်းစံရို့ထက် ဆယ်ဆလောက် ပိုတော်သိမ့်ရေ။ တစ်ခုကိုလဲ အထင်သေးရေ မျက်လုံးနန့် ကြည့်လို့ မရပါမလား။ ယင်းနန့်လို့ အလုပ်ဟုသမျှလုပ်ပါ။ သမာအာဇီဝ အလုပ်ဆိုကေ တစ်ခုကိုလဲ ရှက်စရာ မလိုပါ။
အားလုံး အလုပ်မှာ သူ့တန်ဖိုးနန့် သူပါရာ။
No comments:
Post a Comment