ဒေကုရွီးထားရေ အကြောင်းအရာက တရားခွေတိက ကြိုက်လို့ ကိုယ်နားလည်ရေပိုင် ပြန်ပနာဖောက်သည်ချစွာ ဖြစ်ပါရေ။
ဒေချင့်ကိုလုပ်လို့ အကောင်းဖြစ်လာဖို့စော်မဟုတ်ဆိုရေ စိတ်နဲ့လုပ်လိုက်တေ အလုပ်တစ်ခုစွာ သူထင်ထားရေ အတိုင်းတာတစ်ခုထက် ပိုပနာဆိုးရေ အဖြေတစ်ခုကို အဆုံးမှာရလာပါဖို့။ စရေလောက်ကပင် အဆိုးနဲ့စလို့မရပါ။ အကောင်းမြင်တတ်တေ လူတစ်ယောက်အဖို့ ဇာလောက်ပင် ဆိုးရွားရေ အခြေအနေတိကို ရင်ဆိုင်ရပါတ်စီ တတ်နိုင်သမျှ အကောင်းဆုံးဖြေရှင်းလို့ရဖို့ နည်းလမ်းချေတိကို စိုင်းစားပနာ တည်တည်ငြိမ်ငြိမ်ရင်ဆိုင်ကတ်ပါရေ။
ဘ၀မှာ အကောင်းကို ခံစားရရေပိုင် အဆိုးကိုလဲ မြည်းကေ့ရပါရေ။ ယင်းအချိန်မှာ ကိုယ်က အကောင်းဆုံးလုပ်ခယင့်သားနဲ့ အရှုံးကိုထိတွေ့ရကေ အတွေ့ကြုံကောင်းချေတစ်ခုကို မ၀ယ်ဘဲနဲ့ သင်ခန်းစာရလိုက်တေလို့ သဘောထားကတ်ပါမေ။ ဇာအရာကလဲ မမြဲဆိုစော်ကို အလှပဆုံးပြုံးတတ်အောင် သင်ပီးနိန်ရေ လာကကြီးက အကျွန်ရို့ကို ပြောပြနိန်စွာပါ။
ဆရာခံချင်ရေစိတ် တစိချေလဲ မပါဘဲနဲ့ ရွီးမိခြင်းရာဖြစ်ပါရေ.....
၁။ ထမင်းစားဖို့ တစ်ခုကမရှိ။ ဟင်းရာရှိယင့်။
၂။ ထမင်းစားဖို့ ဟင်းရှိရေ။
ထမင်း ဇာနဲ့စားဖို့လဲလို့ မိန်းရေခါ ဖြေကတ်တေ အဖြေက တူတူရာ။ ယကလေ့သော အမြင်ချေတစ်ခုက လူနှစ်ယောက်ရဲ့ စိတ်နိန်စိတ်ထားကို မိန်းစရာမလိုဘဲ ဖော်ပြပီးလားပါရေ။ ပထမလူက အဆိုးဘက်ကို အမြဲစိုင်းစားတတ်တေ လူဖြစ်ပြီးကေ, ဒုတိယလူက ဇာပင်ဖြစ်ဖြစ် အကောင်းဘက်ကို တွေးတတ်တေ သဘောရှိပါရေ။
မိုးလင်းအိပ်ရာထရေလောက်ကပင် အပျင်းစိတ် သို့မဟုတ် စိတ်ရှပ်ပနာထပါလတ်ကေ ယင်းနိန့်တရက်လုံး အဆင်မပြေဆိုစော်ကို ဗေဒင်မိန်းစရာမလိုဘဲ သေချာပြောနိုင်ပါရေ။ မဟုတ်ဘဲနဲ့ မျက်လုံးနှစ်လုံးပွင့်စော်နဲ့ ဒေနိန့် အနည်းဆုံး လူတစ်ယောက်လောက်ကိုဖြစ်ဖြစ် ကူညီနိုင်အောင် ငါ့လုပ်ဖို့။ ငါ့ကြောင့် တစ်ယောက်လည်း စိတ်အနှောက်အယှက် မဖြစ်အောင် အတတ်နိုင်ဆုံး ကြိုးစားမယ်ဆိုရေ လူက နိန့်ရက်တိုင်းမှာ စိတ်ချမ်းသာပါရေ။ Aircon ဖွင့်ထားရေ အခန်းနားချေက ဖြတ်လားကေတာင် အအီးဓါတ်ချေကို ကိုယ်က ခံစားရရေပိုင် သူ့အနားကလူတိလေ့သော စိတ်ချမ်းသာကတ်ဖို့။ ချပုံနားကို ယင်ကောင်တိရာလာရေ, အမြဲတမ်းညည်းညူနိန်ရေလူနားမှာလဲ လူကောင်းတိက တာရှည်မနိန်နိုင်ပါ။
ဒေချင့်ကိုလုပ်လို့ အကောင်းဖြစ်လာဖို့စော်မဟုတ်ဆိုရေ စိတ်နဲ့လုပ်လိုက်တေ အလုပ်တစ်ခုစွာ သူထင်ထားရေ အတိုင်းတာတစ်ခုထက် ပိုပနာဆိုးရေ အဖြေတစ်ခုကို အဆုံးမှာရလာပါဖို့။ စရေလောက်ကပင် အဆိုးနဲ့စလို့မရပါ။ အကောင်းမြင်တတ်တေ လူတစ်ယောက်အဖို့ ဇာလောက်ပင် ဆိုးရွားရေ အခြေအနေတိကို ရင်ဆိုင်ရပါတ်စီ တတ်နိုင်သမျှ အကောင်းဆုံးဖြေရှင်းလို့ရဖို့ နည်းလမ်းချေတိကို စိုင်းစားပနာ တည်တည်ငြိမ်ငြိမ်ရင်ဆိုင်ကတ်ပါရေ။
ဘ၀မှာ အကောင်းကို ခံစားရရေပိုင် အဆိုးကိုလဲ မြည်းကေ့ရပါရေ။ ယင်းအချိန်မှာ ကိုယ်က အကောင်းဆုံးလုပ်ခယင့်သားနဲ့ အရှုံးကိုထိတွေ့ရကေ အတွေ့ကြုံကောင်းချေတစ်ခုကို မ၀ယ်ဘဲနဲ့ သင်ခန်းစာရလိုက်တေလို့ သဘောထားကတ်ပါမေ။ ဇာအရာကလဲ မမြဲဆိုစော်ကို အလှပဆုံးပြုံးတတ်အောင် သင်ပီးနိန်ရေ လာကကြီးက အကျွန်ရို့ကို ပြောပြနိန်စွာပါ။
ဆရာခံချင်ရေစိတ် တစိချေလဲ မပါဘဲနဲ့ ရွီးမိခြင်းရာဖြစ်ပါရေ.....
No comments:
Post a Comment