အပူ အအီး မမျှတရေ ရခိုင်ပြည်မှာ အီးရေဆိုလဲ နားရွက်တိ ပြတ်ကျလားအောင်ထိ အီးပနာ ပူရေဆိုလဲ ခန်ထာမှာ အင်္ကျီတင်လို့မရအောင်ပူရေ။ ယင်းနဲ့လို့ နွီရာသီရောက်ကေ ညစာသား ထမင်းစားပြီးတိုင်း လူတိုင်းနီးပါး အိမ်ထဲမှာ မနိန်ဘဲ အီးချမ်းရာ အီးချမ်းကြောင်း လီတိုက်တေ နိန်ရာတိကို လားကတ်တေ... လူစည်ကားဆုံး နိန်ရာကတော့ ဂူတာပြင်တန်းထား ဖြစ်တေ။ ( ဂူတာပြင်ရပ်ကွက်စွာ ရသေ့တောင်မြို့ အရှေ့တောင်ပိုင်းထဲမှာ တည်ရှိနိန်စွာ ဂူတာပြင်ရပ်ကွက်ကို လာဖို့ဆိုကေ ယင်းတန်းထားချေကို ဖြတ်ပြီးမှ ရောက်လို့ ဂူတာပြင်တန်းထား လို့ခေါ်ပါရေ) သက်တမ်း ဇာလောက်ကြာယာလဲ မမှတ်မိ။
အကျွန်သိတတ်စအရွယ်ကပင် ယင်းတန်းထားချေကို ဖြတ်နိန်ရစော် ဒေကု အကျွန့်အသက် ၂၃ထဲရောက်ပါလတ်ယာ။ အကျွန်လဲ အသက်ကြီးပါလတ်တေ ယင်းတန်းထားချေလဲ တဖြည်းဖြည်း ဟောင်းပနာ နှစ်တိကြာပါလတ်တေ။ အကျွန်လဲ နိန်မကောင်းလို့ ဆီးခန်းကို ဇာနှစ်ခါလားပစ်ယာလဲ မမှတ်မိရေပိုင် သစ်သားနဲ့ လုပ်ထားရေ ယင်းတန်းထားချေကိုလဲ ထိုနားက သစ်တခု ဆွီးလိုက် ဖာလိုက်နဲ့ နပန်းလုံးနလီရေ...
ညစာသား ထမင်းစားပြီးတိုင်း ကလိုင်သျှေတိ ထိုင်ပနာ လီညှင်းခံရင်း ဖြတ်လား ဖြတ်လာ မမသျှေတိကို နတ်ယောင်းကား လုပ်ကတ်တေ။ ဆလောက်သောက်တေ လူနဲ့ ရေဒီယို နားထောင်ရေ လူနဲ့, ရေဒီယိုမရှိရေ လူကလဲ မိုးလင်းက RFA မှာဇာပြောခလေ ဆိုစော်ကို တဆင့်နားထောင် နိန်ကတ်တေ အဘိုးရှင်ရို့လဲ ကလိုင်သျှေတိနဲ့ အပြိုင် ယင်းတန်းထားထက်မှာ ထိုင်နိန်ကတ်တေ...
တေးခြင်းဆိုရင်း ပပြုံးရရွင်နဲ့ ငါးဖမ်းပြီး နီစောင်းလို့ ပြန်လာကတ်တေ လင်မယားနှစ်ယောက် လောင်းချေလဲ ယင်း တန်းထားအောက်က အချိန်မှန် ဖြတ်လားရေ။ လင်က လောင်းလှော်ပနာ မယားသည်က ပိုက်မှာ ကပ်နိန်ရေ ငါးကို နက်ဖြန်ခါ ဈီးမှာရောင်းဖို့ ခွါနိန်စော် အာဇာနည်နဲ့ ၀ိုင်းစုခိုင်သိန်းဆိုထားရေ တေးခြင်းပိုင် လိုက်ဖက်တဲ့ဘ၀က စုံတွဲစွာ ဒေလင်မယားပဲ ဖြစ်ရဖို့.....
တန်းထား ညာဖက်မှာ ဆန်စက်တခုဟိရေ, ယင်းဆန်စက်ကထွက်တေ ဖွဲခွံတိကြောင့် ချောင်းရီကို ညစ်ပါတ်စီလို့ ကောင်း သဘောမကျကေလေ့ ၀မ်းရေးတွက် တစ်ဖက်က ကြည့်လိုက်တေခါ ကျေးဇူးတင်ရဖို့ ဖြစ်နိန်ရေ၊ ဇာတွက်ဆိုကေ ညစာဖက် ၇ နာရီကပင် ၁၀နာရီထိုးထိရာ ရရေ ဒေမြို့က မီးကိုအားကိုးဖို့ဆိုကေ ထမင်းတောင် ငတ်လားဖို့, ယင်းဖွဲခွံကို ဆန်စက်ထိုးရေ အချိန်မှာ ဗေါက်သာအိတ်နဲ့ ကောက်ပနာ ထမင်းချက်ရစော်.....
တန်းထား ဘယ်ဖက်မှာ " ပုဗ္ဗာရုံမြို့မကျောင်း " သို့ "အဟြိဖက် ဘုန်းကြီးကျောင်း" တကျောင်းဟိရေ။ ယင်းကျောင်းထဲမှာ စာကြည့်တိုက် တခုရှိရေ, သောက်ရီကန်လဲ တကန်ဟိရ။ နွီရာသီ ရောက်တိုင်း ခမ်းနီကျ ဂူတာကန်ကို ပစ်ပနာ ဒေဘုန်းကြီးကျောင်းက ရီကိုခပ်ဖို့ ပြီးရရေ။ အမြဲမပြတ် မိုးကုတ်ဝိပသာနာက တရားစခန်းလဲ ယင်းကျောင်းထဲမှာ ကျင်းပလို့ ယင်းတန်းထားချေစွာ လူပြတ်တေလို့ မဟိ.....
တန်းထားကနိန် လူတခေါ်စာ အ၀ီး ဂူတာကန်ဘောင် အောက်မှာ ကုက္ကိုလ်ပင်ကြီးတပင် ထထီးမမား ဟိနိန်ရေ။ နိန့်ခင်းသားတိုင်ကေ သက်ကြီး ရွယ်အိုတိ အပျင်းပြေ ထိုင်စကားပြောကတ်တေပိုင် ညစာသားရောက်ကေ အသျှေတိ ကစပ်နည်းမျိုးစုံနဲ့ ရရောင်းသတ်ပနာ စည်ကားနိန်ရေ...
ယင်းတန်းထားချေထက်မှာ ညဉ့်နက်ပါလတ်လီ ဂူတာပြင်က အဆိုတောင်သျှေတိ ဂီတာ လက်သံပြမှုက ပိုပနာကောင်းလာလီနဲ့ မပြောင်းလဲဘဲ ယင်းပုံရိပ်ချေတိစွာ ဟိနလီဖို့.....
အကျွန်လဲ တနိန့် ယင်း ပန်းချီးကားချေကို ပြန်ပနာ အသက်သွင်းဖို့ ပြန်လာလတ်မေ ဂူတာပြင် တန်းထားချေ.............
arr pe kha ray na. :)
ReplyDeleteA kind of memoirs!! Reflections upon right to the very present!! But what you tracing back in the story is sort of one descriptive piece, of course in my perspective, but otherwise, about Guo Tar Brun Bridge linking between what is Rathedaung proper and what is southern-east of the said, Guo Tar Brun Ward. What is untold to us by the story is to be told by means of, at least, without words. What critics else should I get you, anyhow? Sum up, by far you are a most better off.
ReplyDelete